+17 °С
Облачно
Яңылыҡтар таҫмаһы
6 Мая 2020, 05:25
Владимир Путин да беҙҙең кеүек изоляцияла булыуын дауам итә
Рәсәй Президенты яҡын арала тағы ла тура эфирҙа халыҡҡа мөрәжәғәт итәсәк. Бөгөн ул коронавирусҡа бәйле сираттағы кәңәшмәһен уҙғара.
Халыҡ алдында сығышы 9 Май байрамында көтөлә. Путиндың матбуғат секретары Дмитрий Песков белдереүенсә, әле ил башлығы һаман да сикләүҙәр режимында эшләй. Йәғни, халыҡҡа ниндәй сикләү-тыйыуҙар, уға ла шундай уҡ.
- Беҙгә, шул иҫәптән Президентҡа ла, артабан да айырым тәртиптә эшләргә тура киләсәк әле. Эпидемиологик хәүеф бар. Ул һәр кемгә лә бер төрлө. Вазифаға ҡарамай. Шуға ла ил башлығы үҙҡурсаланыу режимында Ново-Огаревонан эшләүен дауам итә, - тигән Песков әфәнде.
Һәм Владимир Путиндың һаулығын һаҡлауға ҙур иғтибар бирелеүен дә әйткән.
Фото: Кремлин.ру.
