+16 °С
Облачно
Яңылыҡтар таҫмаһы
30 Апреля 2020, 16:30
Йөйәк Бөйөк Ватан һуғышында
Оҙаҡламай Ринат Шәйбәков авторлығында Белорет районы Йөйәк ауылы халҡының Бөйөк Еңеүгә бағышланған бай документаль материал нигеҙендә китап донъя кңрәсәк.
Архив документтары, фотолар менән тулыландырылған баҫма тыуған яҡ, ғаилә тарихы, ата-бабаларының данлы үткәне менән ҡыҙыҡһыныусыларға тәғәйенләнгән.
Тупланған материалдар буйынса, Бөйөк Ватан һуғышында Йөйәк ауылынан алтмыш һигеҙ кеше ҡатнашҡаны билдәле. Шуларҙан һуғыш яландарында батырҙарса һәләк булған, яраларҙан үлгәндәре егерме һигеҙ кеше иҫәпләнә, тыл батырҙарының исемлеккә ингәндәре генә әлегә туҡһандан ашыу. Уҡыусы был китап менән танышҡас, бер бәләкәй генә башҡорт ауылының Еңеүҙе яҡынайтыуға ниндәй өлөш индереүен, ҡаһарманлыҡ, фиҙаҡәрлек күрһәткәнен генә түгел, ниндәй ауырлыҡтарға, ыҙаларға дусар булыуын да белер.
