+25 °С
Облачно
Яңылыҡтар таҫмаһы
28 Апреля 2020, 06:40
Виктор Ан йәнә китергә булды…
Донъя шорт-трекында дан яулаған Көньяҡ Корея спортсыһы, һуңынан Рәсәй гражданлығын алып, беҙҙең команда менән Олимпия уйындары чемпионы булған Виктор Ан яратҡан шөғөлөнән китергә булды.
34 йәшлек Ан, 2018 йылда бер тапҡыр спорттан китеп ҡарағайны, әммә бер йылдан һуң ҡабат ҡайтып, быйыл Рәсәйҙә булырға тейеш булған шорт-трек буйынса донъя чемпионатында ҡатнашырға тейеш ине. Тик көтмәгәндә донъяны солғап алған коронавирус инфекцияһы арҡаһында, хыялы тормошҡа ашманы. Шуға ҡарамаҫтан, билдәле спортсы, алты тапҡыр Олимпия уйындары чемпионы, күп тапҡыр донъя һәм Европа беренселеге еңеүсеһе булып, үҙ төрөндә онотолмаҫлыҡ яҡты, матур эҙ ҡалдырҙы.
Фото:ТАСС
