+21 °С
Ясно
Яңылыҡтар таҫмаһы
24 Марта 2020, 06:45
Милли проект: Берәй ваҡыт соҡорһоҙ юлдар булырмы икән?
Республика муниципалитеттары 10 марттан юлдар торошон контролләү һәм иҫәпкә алыу системаһы эшен башланы. Юлдарҙа ҡар иреп бөтөүгә ундағы бөтә етешһеҙлек яҡшы күренә. Һалҡын миҙгелдән һуң соҡор-саҡырҙар ҙа күбәйеп китә. Әле тап ана шуларҙы иҫәпләйҙәр икән.
Эш өс этаптан тора.
Беренсеһе: мәғлүмәт базаһында юл участкаларын яңыртыу. Һәр юлға - айырым бер билдә һәм һан.
Икенсе этапта юлдағы соҡорҙарҙы фотоға төшөрөп, цифрлаштырыу. Унда дефекттың киңлеге, тәрәнлеге, майҙаны ла күрһәтелергә тейеш.
Өсөнсө этабы: ремонтлау буйынса фотоотчет.
Ярайһы ойошторолған эш кеүек күренә. Әммә соҡорҙар ҙа күп. Уларҙы бөтөрөү юл торошон күпкә яҡшыртыу тигән һүҙ. Ә беҙҙә "Хәүефһеҙ һәм сифатлы автомобиль юлдары" милли проекты ҡуйған маҡсаттарға, күҙалланған күрһәткестәргә ирешергә кәрәк.
Әлеге программа, йәғни соҡорҙарҙы ремонтлау, шул маҡсаттан алып барылған эш.
Әйткәндәй, Өфөнөң Киров районында базаға 2303 юл участкаһының 1667-һе индерелгән, шуларҙа 1335 соҡор цифрлаштырылған.
Әҙме был, күпме?
Фото: Өфө ҡалаһы хакимиәте сайтынан.
