Мәскәүҙә "Ете ҡыҙ" күргәҙмәһе асыла

Был сара Башҡортостандың 100 йыллығын байрам итеүҙең сағыу йомғаҡлауы буласаҡ.

«Ете ҡыҙ» — ете рәссамдың эшен берләштереүсе ижади проект. Уның авторы – Башҡортостан Башлығының ҡатыны Каринэ Хәбирова. Уларҙың һәр береһе һүрәттәрендә ҡыйыу ете ҡыҙ тураһындағы халыҡ легендаһын үҙенсә сағылдырған.

«Ете ҡыҙ» Башҡортостан Республикаһы вәкиллегенең Концерт залының даими экспозицияһы булып торасаҡ. Уны асыу тантанаһында Федерация Советы ағзалары, Дәүләт Думаһы депутаттары, Мәскәү Хөкүмәте, ижади интеллигенция һәм башҡорт яҡташтар ойошмаһы вәкилдәре ҡатнаша. Концерт программаһы менән Рәсәйҙең атҡаҙанған артисы Алсу, Фәйзи Ғәскәров исемендәге дәүләт академия халыҡ бейеүҙәре ансамбле, Мәскәүҙәге Башҡорт мәҙәни үҙәгенең ижади коллективтары сығыш яһай.