Шыршы энәләре ҡойолмаһын тиһәгеҙ…

Шыршыһыҙ Яңы йыл буламы инде? Бигерәк тә балалар был байрамды түҙемһеҙләнеп көтә. Ысынлап та, йәшел ҡупшыҡайһыҙ нисектер байрам байрамға ла оҡшамай. Әлбиттә, күптәр яһалма шыршыны ла ала. Байрам яҡынлашыуға уны тиҙ генә һаҡланған урынынан сығара һалып, ҡупшы итеп биҙәп ултыртып та ҡуялар. Әммә урмандан ҡырҡып алып ҡайтыусылар ҙа юҡ түгел. Урмандыҡы үҙенең хуш еҫе, матурлығы менән һушты алһа, бер аҙна үтеүгә энәләрен ҡоя ла башлай. Яңы йыл символын нисегерәк оҙағыраҡ һаҡларға?