"Иғтибар - балалар!"

Дәүләт автоинспекцияһы һәм мәғариф органдары бөгөндән балаларҙы транспортта йөрөтөүгә айырым иғтибар йүнәлтәсәк, юл хәрәкәте ҡағиҙәләре буйынса төрлө конкурстар үткәрәсәк, ЮХХДИ постары балалар күп йыйылған урындарға яҡынайтыласаҡ.

Балалар ҡатнашлығындағы юл-транспорт ваҡиғалары буйынса хәл һаманғаса ҡырҡыу ҡала бирә: 11 ай эсендә республикала 397 автомобиль аварияһында егерме баланың ғүмере өҙөлгән, 423 бала төрлө травмалар алған.