+14 °С
Облачно
Яңылыҡтар таҫмаһы
22 Ноября 2019, 12:30
БР урман хужалығы министры билдәле булды
Башҡортостан Республикаһы Башлығы указы менән БР урман хужалығы министры итеп Марат Шәрәфетдинов тәғәйенләнде.
Белешмә:
Шәрәфетдинов Марат Искәндәр улы 1975 йылдың 21 февралендә Йәрмәкәй районының Йәрмәкәй ауылында тыуған.
Башҡорт дәүләт аграр университетын тамамлаған. Хеҙмәт эшмәкәрлеген 1991 йылда Йәрмәкәй колхоз-ара күсмә механизацияланған колоннаһының кирбес заводы хеҙмәткәре булып башлай. Аҙаҡ урмансылыҡ йүнәлеше буйынса төрлө вазифаларҙы атҡара.
2008-2010 йылдарҙа – Башҡортостан Хөкүмәте Аппаратының агросәнәғәт сәйәсәте һәм тәбиғәттән файҙаланыу бүлеге баш консультанты, һуңғы йылдарҙа Башҡортостан Республикаһы урман хужалығы министры урынбаҫары, урман хужалығы министры булып эшләгән.
