+20 °С
Облачно
Яңылыҡтар таҫмаһы
13 Ноября 2019, 09:40
Валерия Касамара студенттарҙы "Мин - профессионал" лекцияһына саҡыра
Иртәгә, 14 ноябрҙә Өфөлә "Мин - профессионал" олипиадаһының белем биреү программаһы буйынса "Мин - профессионал. Эш биреүсенең шогы, йәки нисек итеп стажерҙы ҡулға өйрәтергә" асыҡ лекцияһы уҙасаҡ. Уны "Юғары иҡтисад мәктәбе" милли тикшереү институты проректоры Валерия Касамара алып барасаҡ.
Осрашыуға республиканың барлыҡ юғары уҡыу йорттары студенттары саҡырыла.
Лекцияла студенттарҙың социаль көтөүҙәрен тикшереү һөҙөмтәләре, карьера һәм академия траекторияларын төҙөү үҙсәнлектәре, вуздарҙы яңы тамамлаусыларҙың социаль лифттары проблемалары асып һалынасаҡ.
Үткәреү урыны: БДУ-ның төп корпусы. Адресы: З.Вәлиди урамы,32. Төшкө сәғәт 3-тә башлана.
"Мин - профессионал" проекты Рәсәйҙең Фән һәм юғары белем биреү министрлығы аша башҡарыла. "Мин - профессионал" олимпиадаһы иһә төрлө һөнәр студенттарына ярҙам итә, уларға илдең алдынғы институт-университетында уҡыуҙы дауам итергә һәм эре компанияла эш башларға булышлыҡ итә.
