Үҙҙәре үҙенең башына етеп...

Бер нисә көн элек Италияла фехтование буйынса донъя чемпионатында старт алды.

Унда Рәсәйҙән бары ете спортсыға ғына ҡатнашырға рөхсәт бирелгән. Әйтәйек Олимпия уйындары чемпионы, билдәле Софья Великаяны, София Позднякованы һәм Ян Егорянды халыҡ-ара фехтование федерацияһы турнирға саҡырманы. Шуға ҡарамаҫтан әҙме-күпме беҙҙекеләр нейтраль статуста ярышҡа юлланды. Беренсе ярыш көнөндә үк Рәсәй спортсыһы Вадим Анохин Украина шпажисы менән алышырға тейеш ине. Әммә тегеһе көрәштән баш тартты һәм беҙҙең спортсы тура 1/16 финалға сыҡты.

Украина вәкилдәре алдан уҡ сәйәсәткә таянып, Рәсәй менән Белоруссия булған турнирҙарҙа ҡатнашмаясағын белдергәйне. Әммә нишләптер, белә күреп ярышҡа килгәндәр...

фото: ТАСС.