Яңылыштан еңеү яуланы

Венгрияла уҙған теннис буйынса WTA турнирында Рәсәй спортсыһы Мария Тимофеева тәүгә ҡатнашып, көтмәгәндә үҙ карьераһында ҙур уңышҡа ҡаҙанды.

Донъя рейтингында 246-сы урынды биләгән 19 йәшлек тенниссы төп уйынға үтә алмай, квалификация бәйгеһендә отола. Әммә, ойоштороусылар Марияға төп сеткала ҡатнашырға мөмкинлек бирәләр. Икенсе төрлө итеп әйткәндә, лаки-лузер (бәхетле билет) тип атала. Һәм беҙҙең спортсы әйләнештән-әйләнешкә дәғүәселәрен еңеп, финалға барып етә. Төп бәйгелә ул Украинанан тәжрибәле Катерина Байндльде өс партияла отоп, беренсе тапҡыр WTA турнирында ҡатнаша һәм тәүгеһендә үк еңеү яулай.

фото: ТАСС.