+30 °С
Болотло
Спорт
28 Июнь 2023, 03:00
Грузиндар сирекфиналда
Футбол буйынса Румыния менән Грузияла 21 йәшкә тиклемге уйынсылар араһында барған Европа беренселегенең төркөм осрашыуҙары тамамланып бара.
Ике йылға бер уҙғарылған чемпионатта дүрт төркөмгә бүленгән 16 команда көс һынаша башлағайны. Кисә тәүге ике төркөмдөң сирекфиналсылары билдәле булды. Иң көслө төркөмгә эләккән Грузия үҫмерҙәре башта Португалияны 2:0 иҫәбенә еңеп, һуңынан Бельгия һәм Нидерланды командалары менән тигеҙ иҫәпкә уйнап, биш мәрәй менән үҙ төркөмөндә беренсе урын яуланы. Шулай уҡ, ул группанан Португалия уйынсылары ла сирекфиналға сыҡты. Икенсе төркөмдән Испания менән Украина футболсылары юлын дауам итте. Ҡалған ике төрөкөм командалары бөгөн уйнаясаҡ. Улар араһынан Франция менән Англия футболсылары икешәр еңеү яулап, алдан сирекфиналға сыҡҡайны.
фото: ТАСС.
Грузиндар сирекфиналда
