+30 °С
Болотло
Спорт
18 Июнь 2023, 04:40
Башҡаларға ҡарап ҡыуанабыҙ
Ошо арала футбол буйынса Европа чемпионатының һайлап алыу төркөм осрашыуҙары булып уҙҙы.
Унда беҙ ҡатнашмағас, элекке Союздаш республика командаларының сығышы ҡыҙыҡһындыра. Әйтәйек, Грузия, Әрмәнстан, Ҡаҙағстандың уйынсылары әллә ни көслө дөғүәселәре менән осрашмаһа ла, ситтән еңеү менән ҡайтты. Мәҫәлән, грузиндар Кипр командаһын 2:1 иҫәбенә отоп, үҙ төркөмөндә икенсе урынға күтәрелде. Әрмәнстан иһә, көтмәгәндә көслө генә Уэльс уйынсыларын уларҙың яланында 4:2 иҫәбенә еңде. Ҡаҙағстан футболсылары Сан-Мариноны 3:0 иҫәбенә отоп, үҙ төркөмөндә ике команда менән 1-3-сө урындарҙы бүлешә. Украина командаһы Төньяҡ Македонияны 3:2 иҫәбенә алдырҙы. Литва командаһы Болгария менән 1:1 иҫәбенә уйнаһа, Әзербайжан эстондар менән шул уҡ иҫәпкә таралышты. Ә бына Белоруссия уйынсылары Израилгә отолоп, өсөнсө тур еңеү тәмен тоймай. Латыштар төрөктәргә 2:3 иҫәбенә бирелде.
фото: ТАСС.
Башҡаларға ҡарап ҡыуанабыҙ
