Көнбайыштан дүрт команда плей-оффҡа сыҡты

Әрме хоккейсылары СКА, “Торпедо” һәм “Локомотив” уйынсылары менән бер рәттән, даими беренселек тамамланмаҫ борон алдан плей-оффта урын алды. Шуға ҡарамаҫтан, улар турнир таблицаһында юғарыраҡ урын өсөн һәр бәйгелә ҡумтаһын байытырға тырыша. Йыраҡ йөрөмәй, шул уҡ “Торпедо” командаһын алайыҡ. Уҙған турҙа ул өфөләрҙе ҡабул итеп, беҙҙекеләрҙе 5:1 иҫәбенә отто һәм Көнбайыш конференцияһында икенсе урынды биләне. Юлаевсыларҙың әлеге дәғүәсеһе лә “Торпедо”нан ике мәрәйгә ҡалышып, “Локомотив” хоккейсылары менән өсөнсө-дүртенсе урындарҙы бүлешә. “Салауат Юлаев” иһә, 69 мәрәй яулап, Көнсығышта – алтынсы. Унан бер баҫҡысҡа аҫта килгән “Адмирал” бары өс мәрәйгә ҡалыша. Ә бына чемпионат башында үҙ урынын таба алмаған “Аҡ барс” клубы хәҙер хатта иң юғары урынға менеп баҫты. Улар “Себер” менән 75-шәр мәрәй яулап, беренсе-икенсе урындарҙы бүлешә.

фото: ТАСС.