“Бүре” лә туҡ, “ҡуян” да өлөшһөҙ ҡалманы...

Яңыраҡ “Салауат Юлаев” командаһы үҙ майҙанындағы өсөнсө осрашыуҙа ла еңеү яулап, көйәрмәндәрен ҡыуандырҙы.

Был юлы улар Көнсығыш конференцияһында плей-оффҡа көрәш алып барған “Нефтехимик” уйынсыларын ҡабул итте һәм өҫтәмә ваҡытта ҡунаҡтарҙы 3:2 иҫәбенә отто.

Ошо еңеүҙән һуң юлаевсылар 69 мәрәй менән бишенсе баҫҡысҡа күтәрелеп торһа, “Нефтехимик” иһә бер мәрәйле булып, һигеҙенсе урынын һаҡлап ҡалды.

Киләһе уйынын өфөләр ситтә “Торпедо” командаһы менән уҙғарасаҡ.

фото: ТАСС.