Юлаевсылар ышанысты аҡланы

Яңыраҡ “Салауат Юлаев” командаһы Көнбайыш конференцияһы лидеры - СКА клубын 5:1 иҫәбенә еңеп, киләсәккә өмөт уятты.

Санкт-Петербургта уйынсылары бик һирәк отола, шуға ла улар 76 мәрәй яулап, КХЛ-да лидерлыҡты ҡулынан ысҡындырмай. Быға тиклем дә Силәбелә “Трактор”ҙы 9:3 иҫәбенә ҡыйратып, баһаһын иҫбатланы. Беҙҙең хоккейсылар ҙа кәрәк саҡта уйнай беләләр. “Локомотив” командаһын 2:1 иҫәбенә алдырғас, СКА-ны ҙур иҫәпкә отоуы маҡтауға лайыҡ.

Шулай итеп, “Салауат Юлаев” клубы 59 мәрәй менән йәнә дүртенсе урынға күтәрелде. Юғарыла ” 62-шәр мәрәй яулап, “Металлург” менән “Автомобилист” килә. “Авангард” иҫәбендә 60 мәрәй.

Ошо йәкшәмбелә өфөләр Магнитогорскиға юлланып, Көнсығыш лидеры менән сәкәләшәсәк.

фото: ТАСС.