Башта бәйге юлаевсыларҙың өҫтөнлөгө менән бара. Улар ике яуапһыҙ шайба индереп, осрашыуҙа уңышлы башлай. Әммә, хужалар иҫәпте тигеҙләүгә өлгәшеп, был юлы ла буллит серияһына өмөтләнә. Сөнки быйыл улар үҙ-ара бишенсе тапҡыр осрашып, икеһендә өфөләр дәғүәсеһен төп ваҡытта алдырһа, ә инде "Авангард" уйынсылары быныһы менән өсөнсө мәртәбә буллит серияһында ота. Һығымта: мәргәнлек өҫтөндә эшләргә ваҡыт.
Шулай итеп, беҙҙекеләр 55 мәрәй яулап, әлегә Көнсығышта бишенсе баҫҡыста тора. Алтынсыла урынлашҡан "Адмирал" иҫәбендә лә 55 мәрәй. 51 мәрәй менән "Аҡ барс" та бына-бына етергә тора. Юғарыла - "Автомобилист" (62 мәрәй). "Металлург" (60 мәрәй), "Авангард" (58 мәрәй), "Себер" (57 мәрәй).
Киләһе уйынын юлаевсылар 4 ғинуарҙа үҙ майҙанында “Локомотив” клубы менән уҙғарасаҡ.
Фото: ТАСС.