Ғәҙеллек бар тигән булалар...

Хорватия командаһы беренселектең төп дәғүәсеһе, ғөмүмән иң матур уйын күрһәткән  Бразилия футболсыларын пенальти серияһында еңеп, икенсе чемпионат рәттән ярымфиналға сыҡты. Сыҡты, афарин, әммә,  уға футбол иле лайыҡлыраҡ ине.  Ғәҙеллек бар тигән булалар. Бар әлбиттә, тик был уйынға ҡағылмай. Нишләйһең, шундай матур состав менән  Бразилия командаһы  өйөнә ҡайтырға мәжбүр. Йәл....

Аргентина уйынсылары ла  Нидерланд футболсыларын пенальти серияһында отто. Бында ла осрашыу бик көсөргәнешле уҙҙы.  Мессиның командаһы дөғүәсеһен 2:0 иҫәбенә алдыра килеп, һөҙөмтәлә тегеләр иҫәпте тигеҙләүгә өлгәшә, әммә әлеге лә баяғы бәхет ҡояшы Аргентина командаһына йылмай һәм улар хорваттар менән ярымфиналда осрашасаҡ.

Бөгөн тағы ике ярымфиналсы билдәле буласаҡ. Башынан аша һикергән  Марокко уйынсылары  Португалия командаһы менән уйнаһа, француздар Англия командаһы менән уйнаясаҡ. 

фото: ТАСС.