АҠШ футболсылары 1/8 финалға сыҡты

Кисә Сенегал менән Нидерланды командалары янына Англия һәм АҠШ командалары ла үҙ дәғүәселәрен еңеп, чемпионатта юлын дауам итте.

Уларҙың уңышынан һуң, 1/8 финалда үҙ-ара уйнаясаҡ тәүге дәғүәселәр ҙә билдәле булды. Сирекфиналға сығыр өсөн Англия уйынсылары Сенегал менән көс һынашһа, Нидерланды командаһы АҠШ менән осрашасаҡ.

Бөгөн шулай уҡ тағы өс бәхетле команда билдәле буласаҡ. Сөнки француздар алдан плей-оффҡа сыҡҡайны. Улар Тунис футболсылары менән уйнаһа, Австралия иһә, Дания командаһына һынау тота. Шулай уҡ Аргентина футболсылары Польша менән, Сөғүд Ғәрәбстаны Мексика командаһы менән осраша.

Фото: ТАСС.