Бөтә яңылыҡтар
Спорт
24 Ноябрь , 12:50

12 мөмкинлектән ике мәрәй...

“Салауат Юлаев” командаһы алтынсы осрашыу рәттән еңелеү кисерҙе.  

“Авангард”тан башланғайны, шунан һуң беҙҙекеләр “Сочи”, “Себер”, ике тапҡыр “Барыҫ” һәм уҙғанында “Металлург” клубына еңелде. Беренсе урындан бишенсегә килеп төштө. Дәғүәселәре лә турҙан-турға алға һыпырта. “Металлург” иҫәбендә хәҙер 48 мәрәй булһа, “Автомобилист” – 46, “Себер” – 45, “Адмирал” – 42 һәм юлаевсылар иҫәбендә – 41 мәрәй.
Иртәгә өфөләр үҙ майҙанында шуларҙың береһе – “Автомобилист” клубына ҡаршы һынау тота. Әллә, был юлы ла отолһа, киләсәктә нисек булыр...
Көнбайыш конференцияһында СКА командаһы күптән алдынғылыҡты бирмәй килә. Улар 56 мәрәй менән икенсе баҫҡыста урынлашҡан ЦСКА-нан туғыҙ мәрәйгә өҫтөнлөк итә. “Торпедо” менән “Локомотив” 44-әр мәрәй яулап, өсөнсө-дүртенсе урындарҙы бүлешә.

фото: ТАСС.

12 мөмкинлектән ике мәрәй...
12 мөмкинлектән ике мәрәй...
Автор:Нур Ҡәҙербаев
Читайте нас в