Бөтә яңылыҡтар
Спорт
12 Май , 14:30

Гимнаст-ветеран туғыҙынсы Олимпия уйындарында ҡатнашырға әҙерләнә

Спорт гимнастикаһы буйынса Олим­пия уйындары чемпионы, Үз­бәкстан өсөн сығыш яһаған 47 йәш­лек Оксана Чусовитина 2024 йылда уҙасаҡ уйындарҙа ла ҡатнаша­сағын белдергән.  

Хайран ҡалырлыҡ спортсы 15 йәшендә СССР командаһында дебют яһай. 1992 йылда Бойондороҡһоҙ дәүләттәр берләш­мәһе илдәре командаһы составында Олимпия уйындары чемпионы исемен яулай. 2006 йылда Германияға күсеп, уның командаһы составында 2008 йылда уҙған Олимпия уйындарында “көмөш”лө була. 2013 йылдан Үзбәкстан командаһы намыҫын яҡлай башлай.
Ә бит быға тиклем ул һигеҙ Олимпиадала ҡатнашып, Токиола уҙған уйындарҙан һуң, карьераһына нөктә ҡуям, тип белдер­гәйне. Әммә былтыр Донъя кубогы этап­тарының береһендә йәше 50-гә етеп килгән спортсы таянып һикереүҙә 16 – 20 йәшлек дәғүә­селәрен еңеп, көтмәгәндә алтын миҙал яулай. Ул ғына ла түгел, ветеран-гимнаст бер айҙа өс тапҡыр подиумға күтә­релә. Хәҙер, үҙендә көс барын белеп, 2024 йылда Парижда уҙасаҡ Олимпия уйындарына әҙерләнә башланы. Ул ваҡытта уға 49 йәш буласаҡ.

Фото: ТАСС.

Гимнаст-ветеран  туғыҙынсы Олимпия уйындарында ҡатнашырға әҙерләнә
Гимнаст-ветеран туғыҙынсы Олимпия уйындарында ҡатнашырға әҙерләнә
Автор:Нур Ҡәҙербаев
Читайте нас в