"Динамо" "көмөш"һөҙ ҡалырға уйлай...

Футбол буйынса кисә башланған Рәсәй Премьер-лига беренселегенең 28-се турында, чемпионаттың көмөш миҙалына дәғүә иткән "Динамо" командаһы йәнә еңелеп, өсөнсө осрашыу рәттән юғалтыу кисерә.

Улар был юлы "Крылья Советов" клубына 5:2 иҫәбенә ҡыйралды. Хәҙер өсөнсө баҫҡыста урынлашҡан "Сочи" уйынсыларына "Динамо"ны ҡыуып етер өсөн бөгөн ЦСКА-ға отолмаҫҡа кәрәк. Шулай уҡ әрме футболсыларына юғалтыу, призерҙар исемлегенән йырағайтасаҡ. Сөнки улар ҙа әлегә өсөнсө урынға өмөтөн юғалтмаған. ЦСКА командаһы "Сочи"ҙан ике генә мәрәйгә ҡалыша. Шуға күрә, бөгөнгө буласаҡ улар араһындағы бәйге, ике яҡ өсөн дә мөһим. Төшөп ҡалыу зонаһында урынлашҡан "Өфө" клубы иртәгә "Ростов"ты ҡунаҡ итәсәк. Беҙҙең уйынсыларға ла хәлен бер аҙ яҡшыртыу өсөн мотлаҡ дәғүәсеһен еңергә кәрәк. Улай булһа, әҙме-күпме стык уйындарында ҡатнаша торған мөмкинлеккә яҡынаясаҡ.

Фото: ТАСС.