Бер аҙым, мең аҙым һәм бөттө…

Хоккей буйынса Гагарин кубогының етенсе хәл иткес бәйгеһендә ЦСКА командаһы “Металлург” клубын 4:1 иҫәбенә отоп, үҙ тарихында икенсегә төп призды яуланы.

Ә бит Магнитогорск уйынсылары дөйөм иҫәп буйынса дәғүәсеһен 3:1 иҫәбенә алдырып, уларға еңеүгә бер генә аҙым ҡалғайны. Бишенсе хәл иткес уйында ла улар әрме командаһын еңеп килде, тик төп ваҡыт тамамланыуға алты минут ҡалғанда иҫәпте тигеҙләтә һәм овертаймда еңелеү кисерә. Һәм шунан һуң ЦСКА-ны туҡтатып булмай һәм улар лайыҡлы рәүештә еңеү яулай.

Ә инде “Металлург” йәл… Шул хәтлем өҫтөнлөктө юҡҡа сығара һәм кубокһыҙ ҡала.

Фото: ТАСС.