“Өфө” төшөп ҡалырмы?..

Яңыраҡ уҙған футбол буйынса Рәсәй Премьер-лига беренселегенең сираттағы турында “Өфө” командаһы Екатеринбургта ҡунаҡ булып, урындағы уйынсыларға 2:1 иҫәбенә еңелде.

Шулай итеп турнирҙаш “Урал” клубы өс мәрәй яулап, беҙҙекеләрҙе ике мәрәйгә уҙып алға сыҡты. Әлегә улар 14-се булһа, “Өфө” иһә, элитанан төшөп ҡала торған зонаға төшөп баҫты.

Ҡалған дүрт осрашыуын беҙҙекеләр “Химки”, “Ростов”, “Арсенал” һәм “Рубин” командалары менән уҙғарасаҡ. Бер ҡараһаң, дәғүәселәре әллә ни көслө лә түгел һымаҡ. Әгәр Премьер-лигала пропискаһын ҡалдырам тиһә, мотлаҡ уларҙы алдырырға кәрәк.

Фото: ТАСС.