Етенсе осорҙа ғына хәл иттеләр…

Төп ваҡыт 2:2 иҫәбенә тамамланғас, дәғүәселәр еңеүсене асыҡлар өсөн дүрт овертайм буйынса сәкәләшә һәм 127-се минутта әрме уйынсыһы еңеү шайбаһын индереп, командаһына өсөнсө еңеү килтерә. Шулай итеп, Сергей Федоровтың тәрбиәләнеүселәренә сирекфиналға сығыр өсөн бер аҙым ғына яһайһы ҡалды.  Шулай уҡ «Трактор» уйынсылары ла «Нефтехимик»ты өҫтәмә ваҡытта алдырып, өс еңеү менән  киләһе раундҡа сыҡмаҡсы. «Металлург» хоккейсылары тәүге бәйгелә «Барыҫ»ҡа абынғас, ҡалған ике осрашыуҙа еңеү яулап, алға сыҡты.

Бөгөн йәнә дүрт осрашыу ҡаралған. «Салауат Юлаев» командаһы Новосибирскиға юлланып,  урындағы клуб менән өсөнсө уйын уҙғарасаҡ. Шулай уҡ “Аҡ барс” командаһы  – “Авангард” менән, СКА клубы “Динамо” (Минск) –менән һәм  “Динамо” (М.) уйынсылары  “Северсталь” командаһы менән көс һынашасаҡ.

фото: ТАСС.