Бөтә яңылыҡтар
Спорт
3 Февраль 2022, 22:20

Рәсәй менән Украина осраша

Иртәгә мини-футбол буйынса Европа чемпионатының ярымфиналында Рәсәй командаһы менән Украина футболсылары осрашасаҡ.  

Улар үҙ-ара күптән уйнағаны булмай. Сөнки сәйәсәт арҡаһында, ниндәй генә спорт төрө булмаһын, ойоштороусылар һәр ваҡыт беҙҙе улар менән осраштырмаҫҡа тырышты. Һәм бына мини-футбол, быға тиклем булған кәртәләрҙе  йемереп, уларҙы осраштырырға булды. Әлбиттә, бәйге бик ҡыҙыу булмаҡсы, сөнки әле үк, Украина командаһы беҙгә үс ҡылғандай, төрлө ысул менән тар-мар итмәксе булып һөрән һала.

Украина уйынсыларына килгәндә, улар күптән бындай сарала юғары күрһәткескә өлгәшкәне юҡ. Ә бына Рәсәй командаһы 1999 йылда Европа чемпионы булғас, унан һуң биш тапҡыр – көмөш (1996, 2005, 2012, 2014, 2016 йылдар) һәм өс тапҡыр бронза миҙал (2001, 2007, 2018 йылдар) призеры була.  

Фото: ТАСС. 

Рәсәй менән Украина осраша
Рәсәй менән Украина осраша
Автор:Нур Ҡәҙербаев
Читайте нас в