Өҫтәмә ваҡытта булһа ла үсен ҡайтарҙы…

Беренсе осорҙа ике яҡ хоккейсылар ҙа иҫәпте аса алмай,  икенсеһендә  иһә икеһенә биш шайба индерҙе. Башта ҡунаҡтар өс рәт уңышҡа өлгәшеп, һуңынан хужалар икәү менән яуап бирә ала. Өсөнсө осор тамамланыуға 13 секунд тирәһе ҡалғанда, юлаевсылар һөжүмсеһе уңышҡа өлгәшеп, осрашыуҙы овертаймға күсерә. Ә инде өҫтәмә ваҡытта, «Металлург» уйнысылары еңеү шайбаһын индереп. ниһайәт юлаевсыларҙы алдыра. Сөнки быға тиклем булған ике уйында ла, еңеү өфөләр яғында булғайны.

Шулай итеп, Магнитогорск клубы  ике мәрәй яулап, Көнсығыш конференцияһында йәнә беренсе урынға сыҡты. «Салауат Юлаев» командаһы 60 мәрәй менән «Аҡ барс»тан ике мәрәйгә ҡала дүртенсе урында ҡалды.

Киләһе осрашыуын улар 5 ғинуарҙа Риганың «Динамо»һы менән уҙғарасаҡ.

Фото: ТАСС.