Ретро уйындан бер мәрәй менән

Хужалар клубтың тыуған көнөндә Совет осорондағы формала сыҡһа, өфөләр ҙә юбилей йылын билдәләп, ретро формаһын кейҙе. Шуға ла микән, коман­далар элекке данына тап төшөрмөйек тип, көйәрмәндәрен ҡыуандырмаҡсы булды. Төп ваҡыт һәм өҫтәмә ваҡыт еңеүсене асыҡлай алмағас, буллит серияһында бәхет тыуған көнөн билдәлеүселәргә йыл­майҙы.
Шулай итеп, юлаевсылар бер мәрәй менән булһа ла ҡумтаһын байытты. Әлегә улар 41 уйындан һуң 54 мәрәй яулап, Көнсығышта өсөнсө урынын биләй. “Спартак” хоккейсылары ла уңышынан һуң, үҙ конферен­цияһының плей-офф зонаһында ҡалды.
Иртәгә юлаевсылар үҙ майҙанында “Автомобилист” клубын ҡабул итәсәк. Яңы йылға тиклем уларға унан тыш, тағы ике уйын уҙғараһы ҡалды. 27 декабрҙә “Себер” командаһында ҡунаҡ булһа, 29-ҙы Ҡаҙағстанға юлланасаҡ.

Фото: ТАСС.