Шулай итеп, 1/8 финалға Рәсәй Премьер-лигаһынан «Зенит», «Спартак», «Локомотив», «Рубин», «Сочи», «Динамо», ЦСКА, «Арсенал» менән «Түбәнге Новгород» уйынсылары сыҡһа, ФНЛ-1-ҙән – «Енисей», «Алания», «Ротор», КамАЗ, «Кубань» менән «Балтика», ФНЛ-2-нән «Чайка» клубы көсөн һынаясаҡ.
Киләһе осрашыуҙар 2022 йылдың март айында үтәсәк.
«Өфө» командаһы Рәсәй кубогы турнирында 14 тапҡыр ҡатнашып, иң уңышлыһын 2016/17 йылдарҙа миҙгелендә уҙғара. Ул ярымфиналға барып еткәйне. Тағы ике тапҡыр сирекфиналға етә.
Ә инде Рәсәй беренселегенә килгәндә, беҙҙекеләр уҙған турҙа «Рубин» клубы менән 1:1 иҫәбенә таралышып, икенсе уйын рәттән тигеҙ иҫәпкә уйнаны. Әлеге ваҡытҡа улар ун мәрәй яулап, турнир таблицаһының аҫтан икенсе урынын биләй.
Киләһе осрашыуында «Өфө» командаһы үҙ майҙанында унынсы баҫҡыста урынлашҡан «Әхмәт» уйынсылары менән үткәрәсәк.
Фото: ТАСС.