+30 °С
Болотло
Спорт
26 Июль 2021, 03:10
«Өфө» чемпионатты еңелеүҙән башланы
Кисә «Өфө» командаһы сираттағы Рәсәй Премьер-лига беренселегенең дебют уйынын Мәскәүҙә, урындағы ЦСКА футболсылары менән уҙғарҙы.
Беренсе осор голһыҙ үтһә, ә инде икенсеһенең 61-се минутында, әрме клубы өсөн дебют осрашыу уҙғарған Антон Заболотный уңышҡа өлгәшә һәм ЦСКА-ға еңеү килтерә. Был еңеү, уның баш тренеры булып тәғәйенләнгән элекке футболсы, хәҙер тренерлыҡ эшен башлап ебәргән Алексей Березуцкий өсөн дә дебют уңыш булды.
Киләһе осрашыуын «Өфө» уйынсылары үҙендә «Динамо» клубы менән үткәрәсәк. «Динамо» иһә, беренсе турҙа «Ростов»ты 2:0 иҫәбенә еңеп ҡайтты. Ғөмүмән, беренсе турҙа, шулай уҡ «Зенит», «Краснодар», «Локомотив», «Рубин» һәм «Әхмәт» командалары ла өс мәрәйле булды.
Фото: ТАСС.
«Өфө» чемпионатты еңелеүҙән башланы
