Сәләмәтлек көнөн волейбол уйнап ҡаршыланылар

Ғафури районының Бурлы ауыл биләмәһенә ҡараған ауылдарында Яугилде кубогына волейбол ярышы уҙғарыу матур бер йолаға әүерелде. Алтынсы тапҡыр уҙғарылған был спорт байрамында быйыл Бурлы ауыл биләмәһе хакимиәтенә ҡараған ауылдарҙан ете һәм ҡунаҡ сифатында Еҙем-Ҡаран ауыл биләмәһенән Үзбәк ауылы командаһы ҡатнашты.