Бөтә яңылыҡтар
Спорт
8 Июнь 2012, 15:48

Владимир Крутов вафат булды

Данлыҡлы хоккейсы, Олимпия уйындарының ике тапҡыр еңеүсеһе, алты тапҡыр – донъя һәм ун тапҡыр СССР беренселеге чемпионы Владимир Крутов ҡаты ауырыуҙан һуң вафат булды.Билдәле һөжүмсе 1960 йылдың 1 июнендә Мәскәүҙә тыуған. Дүрт йәшенән конькиға баҫып, юғарыла телгә алынған уңыштарына өлгәшә. 1977 йылда ЦСКА клубында уйнай башлай. 1980 йылда СССР йыйылма командаһы составында дебют яһай. Һәм шул ваҡытта данлыҡлы тренер Виктор Тихонов донъяға билдәле «пятерка» төҙөй.

Данлыҡлы хоккейсы, Олимпия уйындарының ике тапҡыр еңеүсеһе, алты тапҡыр – донъя һәм ун тапҡыр СССР беренселеге чемпионы Владимир Крутов ҡаты ауырыуҙан һуң вафат булды.
Билдәле һөжүмсе 1960 йылдың 1 июнендә Мәскәүҙә тыуған. Дүрт йәшенән конькиға баҫып, юғарыла телгә алынған уңыштарына өлгәшә. 1977 йылда ЦСКА клубында уйнай башлай. 1980 йылда СССР йыйылма командаһы составында дебют яһай. Һәм шул ваҡытта данлыҡлы тренер Виктор Тихонов донъяға билдәле «пятерка» төҙөй. Владимир Крутов, Сергей Макаров, Игорь Ларионов, Вячеслав Фетисов һәм Алексей Касатоновтан торған «пятерка» донъяла иң көслөләрҙән һанала. 1989 йылда, бар хоккейсылар кеүек, Крутов та НХЛ-ға китеп, үҙен һынап ҡарай. Тик унда оҙаҡ тормай, Швейцарияның «Цюрих» командаһына юллана. 1992 йылдан 1996 йылға тиклем Швецияның түбәнге лигаһында ла уйнап өлгөрә. Шунан һуң конькийын сөйгә элеп, төрлө ерҙә үҙ тәжрибәһе менән уртаҡлаша. Һуңғы ваҡытта Мәскәү өлкәһенең Химки ҡалаһында йәшәй.
Читайте нас в