Еңеүсе – Өфөнән

“Биатлон” Өфө спорт-һауыҡтырыу комплексында II Бөтә Рәсәй ҡышҡы универсиадаһының биатлон буйынса финал ярыштары үтте. Унда Төмән, Новосибирск, Свердловск өлкәләренән, Пермь крайынан, Санкт-Петербург, Мәскәү ҡалаларынан һәм башҡа региондарҙан 200-ҙән ашыу спортсы ҡатнашты. Ир-егеттәр − 10, ҡатын-ҡыҙҙар 7,5 километрға йүгерҙе. Көсөргәнешле ярышта Башҡортостандан Александр Жирный беренсе урын яуланы. Икенсе урында – Һарытау өлкәһенән Урал дәүләт тау университеты студенты Кирилл Кудряшов, өсөнсө урында – Себер дәүләт университетынан Георгий Сенников. ҡатын-ҡыҙҙар араһында Төмән спортсыһы Елена Анкудиноваға тиңләшеүсе булманы. Икенсе урынды – Анна Никулина, өсөнсө урынды Ольга Шестирокова яуланы. С. АМАНТАЕВА.