«өфө» көслөрәк

Урал – Волга буйы төбәгенең икенсе дивизион командалары Рәсәй беренселегенең 23-сө турын уҙғарҙы. Башҡортостандың турнир таблицаһының икенсе-өсөнсө урындарын бүлешкән ике клубы үҙ-ара көс һынашты. Көсөргәнешле бәйгелә «Өфө» футболсылары Учалының «Горняк» командаһын 1:0 иҫәбенә отоп, икенсе урында нығынды. Ә бына «Горняк» дүртенсе баҫҡысҡа төштө. Юғары баҫҡыста килеүсе «Нефтехимик» клубы «Челябинск» уйынсыларын 2:0 иҫәбенә еңеп, әлегә алдынғылыҡты бирмәй килә. Улар яҡташтарыбыҙҙан биш мәрәйгә өҫтөнлөк итә.