Бөйөк Еңеүгә – 80 йыл

МАРТ

20 – һуғыштың 1368-се көнө. 3-сө Белоруссия фронты ғәскәрҙәре Браунсберг ҡалаһын ала. Көнсығыш Пруссиялағы был ҡала немец фашистары өсөн мөһим пункт була. 1-се Украина фронты ғәскәрҙәре 50 саҡрымға алға күсә, Чехословакия территорияһына инә. 1-се Белоруссия фронты ғәскәрҙәре Альтдам ҡалаһын алып, немецтарҙың Одер йылғаһындағы ныҡлы плацдармын юҡ итә.

23 – 26 – беҙҙең ғәскәрҙәр Ернау, Нейссе, Леобшютц, Секешфехвар, Мор, Зирез, Варпалота, Вестпрем, Хайлигенбайль, Папа, Девечер, Банска-Бистрица ҡалаларын ала.

27 – Штрелен, Рыбник, Зорау, Лослау, Кишбер, Тет, Целлдемелк ҡалалары совет армияһы ҡулына күсә.

28 – 2-се Белоруссия фронты ғәскәрҙәре Гдыня ҡалаһын азат итә.

29 – транспорт хәрәкәте өсөн мөһим булған Сомбатель, Капувар ҡалалары яулап алына, Кесег ҡалаһын да алып, беҙҙең ғәскәрҙәр Австрия сигенән үтә.

30 – һуғыштың 1378-се көнөндә Данциг ҡалаһы яулана.

31 – 1-се Украина фронты ғәскәрҙәре Ратибор ҡалаһына инә.

Илебеҙҙе һаҡлап, Бөйөк Ватан һәм Икенсе донъя һуғышында башын һалған яугирҙарға - мәңгелек дан!

(дауамы бар)