Радий Хәбиров Чехияның Рәсәйҙәге илсеһе Витезслав Пивонька менән осрашыу үткәрҙе

11 мартта Республика Йортонда Башҡортостан Башлығы вазифаһын ваҡытлыса башҡарыусы Радий Хәбиров Чехия делегацияһы менән осрашты. Делегацияны илдең Рәсәйҙәге Ғәҙәттән тыш һәм Тулы хоҡуҡлы илсеһе Витезслав Пивонька етәкләй.

11 мартта Республика Йортонда Башҡортостан Башлығы вазифаһын ваҡытлыса башҡарыусы Радий Хәбиров Чехия делегацияһы менән осрашты. Делегацияны илдең Рәсәйҙәге Ғәҙәттән тыш һәм Тулы хоҡуҡлы илсеһе Витезслав Пивонька етәкләй.

Осрашыуҙа Чехияның ауыл хужалығы министры урынбаҫары Павел Веселы, шулай уҡ Башҡортостан вице-премьеры — ауыл хужалығы министры вазифаһын башҡарыусы Илшат Фәзрахманов ҡатнашты.

Яҡтар иҡтисадта һәм социаль өлкәлә артабан хеҙмәттәшлек итеү йүнәлештәрен тикшерҙе.

Атап әйткәндә, һүҙ Башҡортостандың Чехияға оҙатҡан сәнәғәт тауарҙары исемлеген киңәйтеү хаҡында барҙы. Үҙ сиратында, Чехия Республикаһы Башҡортостанда ауыл хужалығы технологияларын һәм аҙыҡ-түлек сәнәғәтен үҫтерергә әҙер.

Берлектәге проекттарҙы тормошҡа ашырыуҙа үҙ-ара ҡыҙыҡһыныуҙар билдәләнде. Ошо маҡсатта йылдың икенсе яртыһында Башҡортостанға Чехия бизнесының вәкәләтле делегацияһы килеүе ихтимал.

Бынан тыш, туризм, мәғариф һәм мәҙәниәт өлкәһендә үҙ-ара эш итеү мөмкинлектәре тикшерелде. Әлеге йүнәлештәрҙә тәжрибә алмашыу өсөн Өфөлә Чехия Республикаһы көндәрен уҙғарырға тәҡдим ителде.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

1917-2024 "Йәшлек" гәзите

Баш мөхәррир - Артур Хәсән улы Дәүләтбәков

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.

Телефон

8(347)273-46-38

Электрон почта

[email protected]