«Һеҙҙән рух күтәренкелеге алабыҙ»

«Икенсе һөнәри оҫталыҡ чемпионатын ҡабул итеүгә шатбыҙ, бөгөн илебеҙҙең 45 төбәгенән 350-нән ашыу ҡатнашыусыны сәләмләйем. Чемпионатта сит илдәрҙән дә ҡунаҡтар –  Үзбәкстан һәм Ҡаҙағстан вәкилдәре лә ҡатнаша. Һеҙ – һөнәри камиллыҡҡа һәм йәмғиәттә кәрәкле булырға ынтылған көслө һәм ҡыйыу кешеләр, беҙ һеҙгә ҡарап, рух күтәренкелеге алабыҙ. Чемпионат тап шуға булышлыҡ итә лә инде.

Компетенциялар һаны йылдан-йыл күбәйә, быйыл улар 30-ҙан ашыу. Чемпионат көндәрендә Башҡортостанды яратырһығыҙ, халыҡтың йылыһын тойорһоғыҙ, ә ярыштар һеҙҙең өсөн уңайлы мөхиттә үтер, - тине ул, чемпионатты асып.

Һөнәри оҫталыҡ чемпионаты «ВДНХ-ЭКСПО» һәм 8  колледжы майҙансығында уҙғарыла. Бәйгеселәрҙең оҫталығын 150-нән ашыу эксперт баһалай. Чемпионатты үткәреү маҡсатында 50-нән ашыу  кеше ым-ишара телен өйрәнгән һәм 100-ҙән ашыу ирекмән йәлеп ителгән. Чемпионатта ҡатнашыусылар бөгөн 34 төр буйынса ярышасаҡ.

Әйткәндәй, Рәсәйҙә бөгөн ишетеү һәләте боҙолған 150 мең кеше йәшәй, уларҙың 5 меңдән ашыуы - Башҡортостанда.

Фото: Т. АМАНОВ.