Республикабыҙҙың ғаиләләре өсөн «Торатау» Конгресс-холының беренсе ҡатында иртәнге сәғәт 11-ҙән киске сәғәт 5-кә тиклем дүрт ҙур блок эшләйәсәк. Уның тәүгеһе –«Эмоциональ интеллект» тигән ҙур лекторий, ул өс секцияға бүленгән: декреттағы әсәләргә, үҫмерҙәргә, студенттарға.
Икенсе блок – йәрминкәләр һәм күргәҙмәләр. Бында көндөҙгө сәғәт 1-ҙән киске сәғәт 5-кә тиклем төрлө йәрминкәләр, әйберҙәр һатыу, «Мәрхәмәт» хәйриә фонды күргәҙмәһе, фотокүргәҙмәләр көтөлә.
Өсөнсө блок – оҫталыҡ дәрестәре һәм балалар зонаһы. Бында ата-әсәйҙәр балаларын үҙ эшен белгән тәрбиәселәргә һәм «Оҫтабикә» балалар үҙәге хеҙмәткәрҙәренә ҡалдырып тора ала.
Дүртенсе блок – ирекле майҙансыҡтар. Ғаилә фестиваленә килеүселәрҙе концерт программаһы, белгестәрҙән бушлай консультациялар, трансформация уйындары һәм башҡалар көтә.
Программа һуңында көндөҙгө сәғәт 4-тә күп балалы ғаиләләргә һәм балалы ғаиләләргә ташлама яһаусы фестиваль һәм ойошма партнерҙарынан ҙур отош көтә.
Унан тыш, студент отрядтары ла асыҡ майҙансыҡтарын тәҡдим итәсәк.
Фото: Т. АМАНОВ.