Йәрминкәләргә рәхим итегеҙ!

15 сентябрҙән Өфөлә ауыл хужалығы йәрминкәләре миҙгеле башлана. Бындай саралар Башҡортостан баш ҡалаһында һәр шәмбе һәм йәкшәмбе көндәрендә 28 октябргә тиклем үткәреләсәк.
15 һәм 16 сентябрҙә йәрминкә Октябрҙең 50 йыллығы урамы, 21 адресы буйынса урынлашҡан Йәштәр һарайы алдындағы майҙанда ойошторола. Бында өфөләр картуф, йәшелсә, бал, ит, һөт аҙыҡтары һәм башҡа продукттарҙы һатып ала аласаҡ.
Һыуыҡтар башланыу менән йәшелсә йәрминкәләре туҡталасаҡ. Уның ҡарауы, 15 декабрҙән Өфөлә ит йәрминкәләре старт ала.