Башҡортостан Президенты Рөстәм Хәмитов РФ Дәүләт Советының киңәйтелгән ултырышында ҡатнашты. Кремль һарайының Георгий залында үткән ултырышҡа Хөкүмәт ағзалары, төбәк етәкселәре, РФ Президенты Хакимиәте етәкселеге, парламенттың ике палатаһы рәйестәре, йәмәғәт эшмәкәрҙәре, эшҡыуарҙар саҡырылды.
Ултырышты Дмитрий Медведев үткәрҙе. Һөйләшеүҙә Рәсәйҙә иҡтисади үҫеш тенденциялары, халыҡты социаль яҡлау, эшһеҙлек, бюджет өлкәһе хеҙмәткәрҙәренең эш хаҡы, эшҡыуарлыҡты үҫтереү, модернизация, демографик сәйәсәт мәсьәләләре ҡаралды.