500 һөт фермаһы асыла

Башҡортостан Республикаһы Хөкүмәте ҡарары менән “Һөт малсылығын үҫтереү һәм һөт етештереүҙе арттырыу. Башҡортостан Республикаһында 500 һөт-тауар фермаһын комплекслы модернизациялау” тип аталған республика маҡсатлы программаһы ҡабул ителде. УЛ 2012 – 2016 йылдарҙа тормошҡа ашырыласаҡ. Программа һөт етештереүҙе арттырыуҙы ғына түгел, яңы эш урындарын булдырыуҙы ла күҙ уңында тота. Ауыл хужалығы ойошмаларында эшләүселәрҙең һаны кәмендә 25 процентҡа артасаҡ тип көтөлә. Һөттө дөйөм арттырыу ғына түгел, һыйырҙан тәүлек эсендә алынған һөттөң кимәлен күтәреү ҙә – иғтибар үҙәгендә.