КҮМӘКЛӘГӘН...

Өфөлә 14 апрелдә үткән беренсе дөйөм ҡала өмәһендә 120 меңгә яҡын кеше ҡатнашты. Йыйылған сүп-сар күләме 6400 кубометрҙан ашыу тәшкил итте.
Экологик өмә ваҡытында 9,9 миллион квадрат метр урам-юл селтәрҙәре, 2,7 миллион квадрат метр ҡала һәм урман парктары, 12,6 миллион квадрат метр квартал араһы һәм өй алды биләмәләре сүп-сарҙан та­ҙартылды, тип хәбәр итте «Башинформ» агентлығына Өфө коммуналь хужалыҡ һәм төҙөкләндереү идаралығының производство-техник бүлеге белгесе Игорь Аристов.
Өмә барышында яҡынса 1000 квадрат метр ҡала юлы, 1800 метрҙан ашыу ҡойма ремонтланды. Шулай уҡ 340 төп ағас һәм 150 төп ҡыуаҡ ултыртылды.