Аман Тулеевтан бүләк

Күмертау ҡалаһының 4-се мәктәбенә Кемерово өлкәһенән хәрби форма һалынған посылка килгән − уҡыу йылы башында мәктәп коллективы был өлкә губернаторы Аман Тулеевҡа егеттәр өсөн хәрби форма һатып алыуҙа ярҙам күрһәтеүен һорап мөрәжәғәт иткән.Губернатор үтенесте ихлас ҡабул иткән һәм Авиация ғәскәрҙәре хәрбиҙәренең 30 форма комплектын Күмертау уҡыусыларына һалып ебәргән. Уҡытыусылар Аман Тулеевҡа, иғтибары һәм 50-се йылдарҙа башланғыс кластарҙа уҡыған мәктәбенә ярҙам итеүе өсөн рәхмәт белдереп, телеграмма ебәргән.