2012 йыл – Рәсәй тарихы йылы

РФ Президенты Дмитрий Медведевтың Указы менән йәмәғәтселектең иғтибарын Рәсәйҙең үткәненә һәм уның донъя кимәлендәге тарихи роленә йүнәлтеү өсөн 2012 йыл Рәсәй тарихы йылы тип иғлан ителде. Ил башлығының Указына ярашлы, ошо арала ойоштороу комитеты булдырылырға һәм Рәсәй тарихы йылын үткәреү буйынса саралар планы әҙерләнергә тейеш. Рәсәй Федерацияһы субъекттарының башҡарма власы органдарына илдә Рәсәй тарихы йылын үткәреү буйынса тейешле саралар үткәрергә ҡушылды.