Туғандар менән – видео аша

Заман технологиялары аралашыуға бәйле яңынан-яңы алымдар тәҡдим итә. Хәҙер һәр кеше, ҡайҙа барһа ла, яҡындары менән бәйләнештә була. Хәрбиҙәр һәм әрмеләгеләр өсөн дә яҡшы яңылыҡ бар − улар интернеттан видеотерминал аша туғандары менән аралаша аласаҡ. Махсус ҡорамал синхрон рәүештә видеоконференция алып барырға мөмкинлек бирә. Шулай уҡ һалдаттар электрон почтаны ла файҙалана ала. Әлбиттә, был бушлай түгел, әммә хаҡтар ташламалы буласаҡ, тип ышандыралар Үҙәк хәрби округында. Тиҫтәләгән терминал Башҡортостанда, Ырымбур, Һамар, Ульяновск, Силәбе өлкәләре, Пермь крайындағы хәрби частарҙа урынлаштырыласаҡ.