Бөтә яңылыҡтар
Йәмғиәт
8 Ноябрь 2011, 15:42

Ленин урамында Ленин, Ни уйлайһың, баш эйеп?

Өфө ҡалаһында Владимир Ильич Ленинға һәйкәл асылды. Ул баш ҡаланың Ленин һәм Коммунистик урамдары киҫелешендә урынлашҡан. Һәйкәлде асыу тантанаһында КПРФ үҙәк комитеты рәйесе Геннадий Зюганов менән КПРФ-тың Башҡортостан республика комитеты секретары Рифғәт Гарданов ҡатнашты.

Ленин урамында Ленин, Ни уйлайһың, баш эйеп?
Ленин урамында Ленин, Ни уйлайһың, баш эйеп?

Өфө ҡалаһында Владимир Ильич Ленинға һәйкәл асылды. Ул баш ҡаланың Ленин һәм Коммунистик урамдары киҫелешендә урынлашҡан.
Һәйкәлде асыу тантанаһында КПРФ үҙәк комитеты рәйесе Геннадий Зюганов менән КПРФ-тың Башҡортостан республика комитеты секретары Рифғәт Гарданов ҡатнашты.
Рифғәт Гарданов Башҡортостан Прези­денты Рөстәм Хәмитов менән Өфө ҡалаһы хакимиәте башлығы Павел Качкаевҡа һәйкәлде тарихи урынында тергеҙеүгә булышлыҡ иткәндәре өсөн рәхмәт белдерҙе.
Геннадий Зюганов, тантанала ҡатнашыу­сылар алдында сығыш яһап, Владимир Лениндың донъя тарихына индергән өлөшөн юғары баһаланы.
– Беҙ донъяла беренселәрҙән булып Ленин етәкселегендә эшселәр һәм крәҫтиәндәр дәүләтен төҙөнөк, фашизмды еңеүгә өлгәштек, социаль яҡлауҙың иң яҡшы системаһын булдырҙыҡ. 1924 йылда эшселәр аҡсаһына төҙөлгән һәйкәлде тергеҙгәндәре өсөн Өфө ҡалаһы халҡына рәхмәт, – тине ул.
Билдәле булыуынса, был урында элек Лениндың гипстан эшләнгән һәйкәле урынлашҡан була. Емерелеп бөткәнлектән, 1980 йылда Өфө ҡала коммуналь хужалығы заказы буйынса Ленинград оҫталары яһалма мәрмәрҙән уның күсермәһен эшләй. 1987 йылда заказ үтәлә һәм, аҡса түләнмәгәнлектән, Ленинградта ҡала. Бер йыл элек скульптор Руслан Арыҫланбаев уны Рәсәй Художество академияһы фондында табып ала. Бик күп бәхәстәрҙән һуң һәйкәлде, ҡаланың мәҙәни ҡомартҡыһы булараҡ, тарихи урынына ҡайтарырға ҡарар ителә.
Читайте нас в