-20 °С
Болотло
Бөтә яңылыҡтар
Йәмғиәт
16 Апрель 2011, 15:39

Был аҙнала беҙҙе...

Өмөтләндерҙе...Рәсәй Президенты Дмитрий Медведев, техноген һәм тәбиғәт һәләкәттәрен кисектереү һәм туҡтатыу буйынса барлыҡ дәүләттәр өсөн асыҡ булған халыҡ-ара механизм булдырырға кәрәк, тип иҫәпләй. Ул ғәмәлдәге халыҡ-ара закондарҙың Японияның «Фукусима – 1» АЭС-ындағы авария мәсьә­ләләрен хәл иткәндә көсһөҙ булыуын билдәләне. Сөнки бындай һәләкәттәр бер дәүләттең генә бәләһе түгел, шуға күрә закондар көйләүҙе талап итә

Өмөтләндерҙе...
Рәсәй Президенты Дмитрий Медведев, техноген һәм тәбиғәт һәләкәттәрен кисектереү һәм туҡтатыу буйынса барлыҡ дәүләттәр өсөн асыҡ булған халыҡ-ара механизм булдырырға кәрәк, тип иҫәпләй. Ул ғәмәлдәге халыҡ-ара закондарҙың Японияның «Фукусима – 1» АЭС-ындағы авария мәсьә­ләләрен хәл иткәндә көсһөҙ булыуын билдәләне. Сөнки бындай һәләкәттәр бер дәүләттең генә бәләһе түгел, шуға күрә закондар көйләүҙе талап итә.

Уйға һалды...
«Берҙәм Рәсәй» партияһы РФ Президенты һайлауҙарына тәҡдим ителәсәк кандидаттарҙы ҡа­рай. Генераль совет президиумы секретары урын­баҫары Юрий Шу­валов хәбәр ите­үенсә, партия Вла­димир Пу­тинға иҫәп тота.
Владимир Владимиро­вич үҙе Рәсәйҙең әлеге Президенты Дмитрий Медведев менән икеһенең дә һайлауҙа ҡатнашыу ихтималлығын белдерҙе һәм бер йыл алда был мәсьәлә буйынса ығы-зығыны ҡуйыртмаҫҡа саҡырҙы. Дмитрий Анатольевич, был һорауға асыҡлыҡ индереп: «Президенттың да, Премьер-министрҙың да маҡсаты бер. Ул да булһа, ун-егерме йылдан Рәсәйҙе донъялағы иң ҡеүәтле һәм көслө ил итеп танытыу», – тине. Ә «Берҙәм Рәсәй»ҙең Юғары советы ағзаһы Олег Морозов фекеренсә, партия Медведевтың кандидатураһын дәғүәселәр араһында Путин булмаған осраҡта ғына күрһәтәсәк.

Тынысландырҙы...
Камчаткалағы Балыҡ хужалығы һәм океанография фәнни тикшеренеүҙәр институты белгестәре белдереүенсә, Рәсәйҙең Алыҫ Көнсығышында радиация менән зарарланыу ҡурҡынысы юҡ, балыҡтарға ла хәүеф янамай. Тикшереүҙәр күрһәтеүенсә, һауа ла, һыу ресурстары ла нормала. Край губернаторы Владимир Илюхин фекеренсә, балыҡтар ағыуланған, тип уйҙырмалар таратыу төбәкте иҡтисади юғалтыуҙарға дусар итеүе ихтимал. Ысынында иһә борсолорға урын юҡ, Япониялағы АЭС аварияһы крайҙа балыҡ тотоуға кәртә була алмай.

һиҫкәндерҙе...
Боливия ҡалаларында меңәрләгән халыҡты берләштергән демонстрациялар бара. ҡаршы­лыҡ күрһәтеүселәр эш хаҡтарын күтәреүҙе талап итә. Якуиба ҡалаһында полиция Президент Моралесҡа яҡынларға теләүселәргә ҡаршы күҙҙе йәшкәҙәтеүсе газ ҡулланған.