-10 °С
Ҡар
Бөтә яңылыҡтар
Йәмғиәт
2 Апрель 2011, 17:08

Өс һөйләм менән

Башҡортостанда балаларҙың йәйге лагерҙарҙа ял итеү ваҡыты 21 көндән 18 көнгә тиклем ҡыҫҡартыла. Тәҡдимде БР Профсоюздар федерацияһы рәйесе Әмирхан Сәмерханов индерҙе һәм ул хуплау тапты. Әлеге сара өс заезд урынына дүртәүҙе ойоштороу мөмкинлеген бирәсәк.

Башҡортостанда балаларҙың йәйге лагерҙарҙа ял итеү ваҡыты 21 көндән 18 көнгә тиклем ҡыҫҡартыла. Тәҡдимде БР Профсоюздар федерацияһы рәйесе Әмирхан Сәмерханов индерҙе һәм ул хуплау тапты. Әлеге сара өс заезд урынына дүртәүҙе ойоштороу мөмкинлеген бирәсәк.

Башҡорт дәүләт медицина университеты Рәсәй урологтар йәмғиәтенең төбәк бүлексәһе менән берлектә республикала «Урологияның көнүҙәк мәсьәләләре. Простата биҙе ауырыуҙары. Урологияла яңы технологиялар» V Бөтә Рәсәй ғилми-ғәмәли конференцияһын ойоштора. Сара «Абҙаҡ» тау саңғыһы үҙәге базаһында 14 – 17 апрелдә үтәсәк. Конференция барышында онкоурология, дөйөм һәм шәхси урология, ауырыуҙарҙы дауалауҙа яңы технологиялар индереү мәсьәләләре тикшереләсәк.

Баш ҡала буйынса торлаҡ-коммуналь хужалығы реформаһын иң яҡшы яҡтыртҡан мәғлүмәт саралары һәм журналистар араһында ойошторолған «Йортобоҙҙа кем хужа?» конкурсына йомғаҡ яһалды. Сәмле бәйгелә «Вся Уфа» телеканалы, «Комсомольская правда», «Уфимские ведомости» гәзиттәре – төрлө номинациялар буйынса еңеүселәр, ә «Вечерння Уфа» гәзитенән Светлана Широкова «Иң яҡшы» журналист тип табылды. Конкурс быйыл да ойоштороласаҡ.

«Берҙәм Рәсәй» партияһының «Йәш гвардияһы»ның Башҡор­тостан буйынса төбәк бүлексәһе йәшерен казиноларға ҡаршы көрәш башланы. Ошо маҡсатта ҡыҙыу линия асылды. 266-71-87 телефоны һәм casino@mger02.ru электрон адресы буйынса урындарҙа эшләүсе казинолар хаҡында хәбәр итергә мөмкин.

Өфөлә ҡатын-ҡыҙҙар өсөн тәғәйенләнгән онкология үҙәге асыласаҡ. Яңы дауалау учрежде­ние­һы баш ҡалалағы онкология ауырыуҙарын профилактикалау клиникаһының эшен ҡабатламаясаҡ – үҙәктә кешелә яман шеш ауырыуы билдәләре табылғанға тиклем диагностика үтеү мөмкинлеге буласаҡ. Үҙәк федераль ҡаҙна, Светлана Медведева фонды һәм Яман шешкә ҡаршы көрәш фонды иҫәбенән финансланасаҡ.

Өфөнөң Нефтселәр мәҙәниәт һарайында Бөтә Рәсәй «Сәләмәт йөрәк» акцияһы дауам итә. Сара барышында ойошторолған конференцияла билдәле кардиологтар, эндокринологтар, ғалимдар сығыш яһай. Ошонда уҡ йөрәкте күрһәтергә, ҡан баҫымын, ҡандағы холестеринды, шәкәрҙе үлсәтергә, кәүҙә ауырлығын һәм насар ғәҙәттәргә, күңел көсөргәнешенә тикшерелергә мөмкин.

Р. КҮСЕМХАНОВА әҙерләне.