-10 °С
Ҡар
Бөтә яңылыҡтар
Йәмғиәт
1 Март 2011, 15:03

Донъя яңылыҡтары

Ливия менән 42 йыл буйы етәкселек иткән Каддафиҙың китеүен талап иткән акциялар 15 февралдән бирле дауам итә. Иң аптыратҡаны – етәксеһенең баш күтәреп сыҡҡан халҡын ҡан ҡойош ярҙамында тынысланды­рыр­­ға тырышыуы.Әлбиттә, донъя йәмәғәтселеге бындай хәлгә битараф түгел – Ливия башлығы Муаммар Каддафи һәм уның ете улы, бер ҡыҙы хәҙер бер сит илгә лә индерелмәйәсәк. Был хаҡта Берләшкән Милләттәр Ойошмаһының Именлек советы резолюция ҡабул итте.

Ете улы ла аҡсаһыҙ

Ливия менән 42 йыл буйы етәкселек иткән Каддафиҙың китеүен талап иткән акциялар 15 февралдән бирле дауам итә.
Иң аптыратҡаны – етәксеһенең баш күтәреп сыҡҡан халҡын ҡан ҡойош ярҙамында тынысланды­рыр­­ға тырышыуы.
Әлбиттә, донъя йәмәғәтселеге бындай хәлгә битараф түгел – Ливия башлығы Муаммар Каддафи һәм уның ете улы, бер ҡыҙы хәҙер бер сит илгә лә индерелмәйәсәк. Был хаҡта Берләшкән Милләттәр Ойошмаһының Именлек советы резолюция ҡабул итте.
«ҡара исемлек»кә бөтәһе 16 кеше эләккән, унда Ливияның оборона министры, хәүефһеҙлек хеҙмәте башлыҡтары ла индерелгән. Каддафи һәм уның дүрт улының, ҡыҙының сит илдәге банк иҫәптәре ябылған. Ливиялағы һуңғы сыуалыштарҙа меңдән ашыу кеше үлтерелгән. Яңы ғына ҡабул ителгән резолюция буйынса был хаҡта эш Халыҡ-ара енәйәт судының прокуратураһына тапшырыла. Билдәле булыуынса, Муаммар Каддафи яҡлы кешеләр үҙенең фекерен белдереү өсөн урамдарға сыҡҡан халыҡты законһыҙ рәүештә үлтер­ҙе, яраланы.

Арталар ғына

2010 йылдың һөҙөмтәләре буйынса, ҡытайҙа йәшәүселәрҙең һаны, алты миллионға артып, 1 миллиард 341 миллион кеше тәшкил иткән.
Был хаҡта ҡытай Халыҡ Республикаһының Дәүләт статистикаһы белгестәре хәбәр итә.
Етмәһә, был һан тулы картинаны асып бирмәй, тигән фекер бар. ҡытайҙағы демографик хәл тураһындағы аныҡ һандар яҡын арала билдәле буласаҡ. Әммә шуныһы бөгөн үк асыҡ – һандар кәмемәйәсәк, ә артасаҡ.
ҡытайҙа халыҡ иҫәбен алыу кампанияһы һәр ун йыл һайын үткәрелеп тора. Уларҙың һөҙөмтәләре буйынса, был илдә халыҡ йылдан- йыл арта ғына бара. Үткән йөҙ йыллыҡтың 80-се йылдарынан башлап, ҡытайҙа бер ғаиләлә бер генә бала үҫтереү сәйәсәте үткәрелә. Халыҡтың артыуын туҡтатыу өсөн был ғына етмәй, ҡытайҙар оҙаҡ йәшәүе менән дан тота. Яҡын арала илдә эшкә һәләтлеләрҙең һаны ҡырҡа кәмеп, ҡарттарҙың һаны артасаҡ.

Мысыр беҙҙе көтә

Мысыр халҡы тәүҙә, туристарҙың ҡотон алып, демонстрацияларға күтә­релһә, хәҙер, буш торған ҡу­наҡхана, отелдәр өсөн йәне көйөп, урамдарға сыға башланы.
Бөгөн туристик компаниялар, ресторан, магазин хеҙмәткәрҙәре туристарҙың Мысырға ял итергә килергә ҡурҡмауын һорап, транспаранттар күтәреп, Шарм-әл Шәйех­тең үҙәк урамдары буйлап йөрөй.
Халыҡ Мысырҙа демонстрацияларға сыҡҡанда ла курорт ҡалалары имен ҡалды. Шулай ҙа хәҙер ҡыҙыл диңгеҙ буйындағы отелдәр клиенттар менән 20 – 25 процентҡа ғына тулған. Әле унда Украина туристары ял итә башлаған.
Ә рәсәйҙәр 1 марттан Мысырға ебәрелә башларға тейеш, тигән мәғлүмәт бар. Һәр хәлдә, Мысыр курорттары беҙҙең ил туристарының ҡәҙерен белә.

Л. СИРАЕВА әҙерләне.