Беҙгә ғәрәптәр йорт төҙөйәсәк

Республикала «Арабтек Конс­тракшн» компанияһы социаль торлаҡ төҙөлөшөн башларға ниәтләй. Әлеге ваҡытта ул Өфөлә офис асыр­ға уйлай һәм бер нисә проект тәҡдим итергә әҙер. Был төҙөлөштө «Өфө» аэропорты эргәһендә башлаясаҡтар.Бынан тыш, компания биналар, технологик парктар, мәҙәниәт һәм спорт объекттарын төҙөүҙә хеҙмәттәшлек варианттарын да тәҡдим итергә әҙер. Ул шулай уҡ ҡунаҡханалар, туристик объекттар төҙөү мөмкинлеген дә ҡарай.